أهلا وسهلا بك ضيفنا الكريم، إذا كانت هذه زيارتك الأولى للمنتدى كما يشرفنا أن تقوم بالتسجيل .

    ان حكت..غنت سنآآبل من رضآ / ( ع فكة الريق )

    شاطر

    shosho.alkadosha
    Admin

    عدد المساهمات : 34
    تاريخ التسجيل : 11/08/2010
    العمر : 22

    جديد ان حكت..غنت سنآآبل من رضآ / ( ع فكة الريق )

    مُساهمة  shosho.alkadosha في الأربعاء أغسطس 11, 2010 7:31 pm

    يمسيكم / يصبحكم برضا الرحمن
    ,
    ,
    وحي الله البنات اللي
    من حكيهم/ من ضحكهم ,,
    يضحك اللولو يتناثر بالمئات !!
    هم الساس / وتاج الراس / وكل الناس
    وش كثر كانت كريهه هالحياه
    لولا البنآآت .....



    و... صح لسانك ياابن رفيع !!




    ولأننا مانبغى ابن رفيع يندم انه كتب فينا هالقصيده بنتكلم عن موضوع مهم :
    اسلوب تعامل البنت مع كل من حولها سواء بحياتها العامه او في نطاق النت
    لللأسف يمكن تلاحظون انه مافيه وسطيه بالتعامل
    ياناس ماسكة خط سريع وفي السرعه الندامه
    ياناس ملتزمة الخط الصحراوي وياكثر ماتدقر بهالخط



    صاحبات الخط السريع :
    اللي زايد حلى السنتهم حبتين كمان بدرجة غثيثه
    كلامها سايح لأبعد درجه وكل فكرها ان هالشيء لباقه
    تحلفين بالله ان لسانها مدهون دهن ..كله تزليق
    ياعيني..الشي ان زاد عن حده قلب ضده
    اسلوبها تطبيل وتنميق وتجلس تنفخ بفلانه وهات يامديح ولو تعرف تكتب شعر ماقصرت
    ومن هذي تروح لهذي ومدح وياحياتي مافيه مثلك وتلقونها حتى مافتت معها الف باء
    هذي الآدميه كيف تحس؟اذ كل شي مريشته للسما
    وبعيد عن النوايا ان كانت تدور مصلحه
    مجامله / كلام منمق / مبالغة كريهه /
    ثم بعد الترييش؟ايش اللي تكسبينه؟ لاصرت مادحه هاذي ومريشة بهاذي
    وفي النت .. / عجب عجآآآب
    طيب لما انتي كذا سايحه مافيه كنترول ع الردود .. اقرى الرد الف مرة
    من متى المعرفه حتى يحصل كل هالمبالغات؟
    اعطي رايك بدون زياده
    مااحط بذمتي واقول تميلح ومن هالباب لأن البعض طبعهم كذا
    لكن تمسك خط وتمشي 180 وبالآخر تاخذ ع فشوش < فيس يتذكر اللذي كان
    حلو يكون تعاملك طيب.. صاحبة مذهب ذهب .. وكل ماجات سيرتك تنذكري بالخير وايش قد انها محترمه بردودها وثقلها .. لاوقاحة ولاتنميق سخيف
    ماهو ان جات سيرتك قالوا .. اسري بس مابقي الا بياعين الكلام



    صاحبات الخط الصحراوي :


    والحاره فيهم عمرآآنه .. ولما نشوف الردود وهو نت تقولي بس كيف تعاملهم برا ع طولة اللسان ذي من محتملهم ؟ او دفاشه كريهه يقالك انها القويه اللي مااحد يدوس لها ع طرف.. جو مريض احاطت به نفسها وردودها
    من قالك انا بحرب؟ ومن قالك انك بتحققين الاحترام والهيبه والسلطة ع دق الكلام ذا والسخطيه بالردود؟
    اعطيك جوك.. اوك يابنتي انتي قويه ومااحد يقدر عليك .. والكل يخافك ( طيب ياتايسون فرحانة بعضلاتك )
    وياكثر مايدقر معهم الخط هالفئة , مااحد يرضى ينرمي بالصخر ياقويه
    بيرد لك الرميه برميه .. وكذا ينقلب الموضوع ساحة هواش القوي هو اللي يكتب آخر رد ( جوهم طبعا)
    من أوحى لك ان الناس تبغى تسمع الفاظ قاموسك ال ؟
    تدرون ,, انا من الناس اللي ان قريت لوحدة رد فيه طولة لسان سبحان الله كذا ماعاد تروق لي البنت... العيب عيب والتربيه تبين حتى لو في النت اقسم بالله
    اضحكي وعلقي ونتفي بس مع اللي تموني عليهم ..والجدد بلاش فرد العضلات عليهم
    ماهي كل الناس بنفس سعة صدرك
    فيه ناس ماتتحمل او ماتعودت تاخذ كآآآش .
    ياستي يكفيك التوجيه القرآني لسيد الخلق ( ولو كنت فظا غليظ القلب لاانفضوا من حولك )..وفي أمر سآآمي سيبك عاد من اللي بنتكلم فيه


    طيب .. من جهه ثانيه .. (( ثقافة الإعتذار )) اللي غايبه عن بعض الناس.. رساله خاصه مابتنقص من قدرك
    عرفت نفسي مااعرف امسك لساني.. بلاش اسيب شي بالخواطر
    مابتعزك هالردود لو اندعى عليك او كرهوك الخلق < ولااحد يقول تبالغي ,الاحراج والتجريح مايرضي أحد
    طيب حطي نفسك مكان اللي هاجمتيه؟ ايش بتكون ردة فعلك؟
    ولاتنسي انه الف عضو يمكن يمر ع الموضوع ويقرا.. شايفة قدام كم واحد احرجتي فلان؟
    ياناس والله نشوف ردود تخجلي انك تقريها..شي يوصل للقذف ودق سخييف بالحكي
    ع ايه هذا كله؟
    ناقشي الفكره ومضمون الرد..بلاشي الشخصنه تراها حيلة اللي ماعنده الرد
    بتقولي فرضا هوه بدأ بالغلط ؟ بقولك اكبر قهر للسفيه انك تحقرينه..لاتعطيه ابعد من شوف عينك..بعدها شوفي كيف بيصغر ..اكبري بنفسك واعتلي وخلي الأدب واللباقة ديدنك




    كل اللي انكتب فوق هو لي قبل مايكون لكم ياحبايب
    وفينا من العيوب ماالله بها عليم ,,
    لكن ننقد ذواتنا ونبعد فيها عن القدسيه حتى نوصلها لأعلى مرتبه من التعامل الطيب
    لاتصيري مجامله ومتكلفه بزياده ..تقلبي مالك طعم
    ولاتصيري وقحة وسليطة لسان ..ينفرون منك الخلق وماتنذكري الا بالشينه


    (( امسكي العصا من النص ياأميره ))

      الوقت/التاريخ الآن هو الإثنين ديسمبر 05, 2016 7:27 am